ӘЗІРБАЙЖАН ҰЛТТЫҚ ӨНЕР МУЗЕЙІНІҢ КОЛЛЕКЦИЯСЫНДАҒЫ XVI–XIX ҒАСЫРЛАРДАҒЫ ГОЛЛАНД КЕСКІНДЕМЕСІ

Аннотация

Аңдатпа. Мақала Әзірбайжан ұлттық өнер музейінің Батыс Еуропа қорында сақталатын голланд кескіндемесі үлгілерін ғылыми тұрғыдан зерттеуге арналады. XVI–XIX ғасырдағы шығармалар Голландияның Алтын ғасыр өнер мектебінің негізгі жанрларын –портрет, пейзаж, натюрморт және тұрмыстық көріністі – жоғары көркемдік деңгейде көрсетеді. Зерттеуде туындылардың шығу тегі, жанр ерекшеліктері, техникалық және эстетикалық параметрлері, сондай-ақ музей экспозициясында олардың ұсынылу қағидалары қарастырылады. Франс Халс, Питер Клас, Адриан ван Остаде, Михель ван Миревельт, Каспар Нетшер және Юриан ван Стрек шығармалары арқылы голландтық реализмдегі жарық пен көлеңкенің гармониясы, детальдарға мұқият қарау, психологиялық портрет дәстүрі және күнделікті өмірді көркем бейнелеу талданады. Музей коллекциясы голландтық сурет өнерінің даму кезеңдерін, XVII ғасырдағы әлеуметтік-мәдени контексті және еуропалық реалистік мектеп ерекшеліктерін зерттеуге маңызды ғылыми материал ұсынады. Зерттеу Әзірбайжан өнертануында Батыс Еуропа зерттеулерін кеңейтуге және музей ортасында голланд өнеріне жаңа көзқарас қалыптастыруға үлес қосады.