МУЗЕЙ КОММУНИКАЦИЯСЫ: ТЕОРИЯЛЫҚ ЖӘНЕ ПРАКТИКАЛЫҚ АСПЕКТІЛЕРІ

Аннотация

Аңдатпа. Мақала музей коммуникациясы бойынша әлемдік тәжірибеде қолданылып жүрген музейішілік қарым - қатынас технологияларын талдауға және жіктеуге арналған. Талдай отырып, музей педагогикасы, музей психологиясы, музей социологиясы сынды ұғымдар мен оқу іс-әрекетінің бұрынғы қолданыстағы теориялық, практикалық тұжырымдарды және бұрын жарияланған ғылыми мақалалар сараланады.

Мақаланың мақсаты музей коммуникациясының нақты параметрлерін айқындау және негізгі принциптерін атап көрсету. Қарым - қатынас параметрлерін нақтылау, жоспарлау, «ағарту» принциптерін қатаң сақтау - музей коммуникациясының негізгі формасы ретінде қарастырылады.

Мақаланың негізгі міндеті – музейішілік қарым – қатынастың ғылыми-теориялық мәнін ашу, музейдің коммуникативті мүмкіндіктеріне талдау жасау, музей мен келушілердің қарым- қатынасын жоспарлы ғылыми жұмыс ретінде ұйымдастырудың теориялық негізін қалыптастыру. Музейдің негізгі көрінісі экспозицияны келушілермен қарым - қатынас жасаудың басты құралы ретінде пайдалану арқылы келушілерге белгілі бір дәрежеде ғылыми ақпарат беру, білім беру мекемелерінің оқу бағдарламаларын ескере отырып заманауи қоғам талаптарына сай білім беру мен қарым-қатынас жүйесін қалыптастыру.

Музей коммуникациясында педагогикалық, психологиялық, социологиялық принциптердің қамтылуы келушілердің рухани қажеттіліктерін қанағаттандыруға септігін тигізетінін, ал, музей ісінің жеке ғылым ретінде қалыптасуында, музейдің болашақтағы жұмысын жоспарлауда негізгі фактор екендігін айқындайды.

Музей коммуникациясында вербальды емес, яғни, түсіндірме мәтінсіз өзіндік ойлау арқылы бейнені елестету үшін қандай мәселелерге айрықша көңіл аудару керектігі нақтыланады.

Әлемдік музейлердің коммуникация саласы бойынша тәжірибелеріндегі ұқсастықтары мен ерекшеліктері саралана отырып ғылыми айналымға ұсынылады.